上月底公布的「薪酬趨勢總指標」，建議公務員加薪2.04%至7.26%，雖然尚未經行會通過落實，惟坊間有不少聲音指在經濟前景不明朗下，公僕不應加人工。中原集團創辦人施永青卻有另一看法，指在逆週期下政府更加應該帶頭「做多啲」，「如果公務員又唔加，私人市場又唔加，明年調查大家都負面，連鎖反應（人工）咪越整越低？」

作為僱用了數萬名員工的大老闆，施永青被問到是否擔心政府帶頭加薪會對商界造成壓力時指，未來經濟有機會收縮，只能靠政府加大支出，「商家就幾時都係反對㗎喇，政府支出多咗又係轉嫁到商界，但我站喺社會角度係贊成加嘅。」不過消息指，行政會議日前臨時抽起了公務員加薪的議程，留待下屆政府才處理，施永青指出薪酬調整往往是僱主管理員工的最主要權力，而中央明顯有意整治公務員團隊，欲知施的詳細觀點請即收看節目。

內地一位經濟學家陳文玲早前在網易撰文指，中國應做好準備收復台灣並搶回台積電，有關文章至今尚未被網絡審查員下架。C基金投資總監李浩德指，中國在晶片技術上一直被美國箝制，內地有人想打台積電主意並不為奇，「但就算俾你霸埋間廠，背後嘅技術同產業鏈你係咪維持到？AMD同NVIDIA仲會唔會技術支持你、肯畀訂單你？」施永青則認為，有關經濟學家並不代表中央或黨，言論只是試水溫。

下一節《股壇C見》會探討近期中港股市強勢，早前受監管風暴重創的板塊逐一反彈，是否意味中央政策「真‧鬆綁」，密切留意！