阿爺今次堅放生？C基金狂掃科技股 施永青：內房唔係鬆綁就救到

積弱的中港股市近來終見明顯反彈，恒指本周更一度重上22,000點以上，當中一眾早前受政策監管重創的行業板塊，因為總理李克強放風鬆綁而被輪流炒起。一直說要「聽其言，觀其行」的C基金投資總監李浩德指，中央近期似乎真的有具體行動「放生」平台經濟，「之前睇得太淡就會大反彈，尤其是好多外國資金仲沽空緊中國股票。」

李浩德舉例指，滴滴（DIDI）事件近日有新進展，公司本來在美國面臨除牌，惟阿爺近日表示對滴滴的網絡安全調查已告一段落，意味滴滴很大機會能回港上市。拍攝時為周四下午，當時市傳阿里旗下的螞蟻金服亦有機會短期內獲批重啟IPO，雖然消息其後被當局否認，惟浩德指這類較具體行動有助回復投資者信心。浩德又指他管理的C基金最近已大手掃入包括阿里巴巴在內的科技股，倉位已打滿。

中原集團創辦人施永青則指，同樣受監管的內房情況與科技行業有所不同，並非「放就會生」。「房地產原先已經製造泡沫，政府想佢唔好製造咁多所以閂佢水喉，拖累到個個唔掂，又放返水畀佢，不過限購仲係好嚴，買樓熱情都冇以前咁勁。」施指，內地房地產本來由用家、投資者及炒家三隻手托住，現在只剩下一隻手難免獨臂難支。

本節《股壇C見》還討論了最新通脹預期，請即收看！