確診宗數進一步回落至每日約五千宗水平，本港政商界繼續促請政府盡快放寬防疫措施，政府周五（23日）就宣布周一起入境檢疫期由「3+4」放寬至「0+3」。多次要求盡快通關的中原集團創辦人施永青在新一集《股壇C見》指出疫情已進入尾聲，惟港府一直不夠膽自作主張，「畀人感覺好似等緊唔知邊個吩咐咁……喂，做政治官員就係要押注㗎嘛。」施重申，香港的角色特殊，不需要硬守中央的防疫政策，及早開放更可為國家起示範作用，「聽日就通關，同世界接軌！」

客席主持林小珍指，近期多宗新聞都反映香港在多方面正被新加坡超越，香港更有如「豬對手」，新加坡可以「躺著贏」。施永青表示，新加坡政府向來進取，因此特區政府在新時代下更應及早調整政策才能保住優勢，「呢個世界你唔做人地都做㗎啦，唔通你同新加坡講，你唔好做呀！你咁做即係寸我啫？」

下一節C基金投資總監李浩德會解說美國聯儲局最新一次加息後的取態，施永青亦會再講香港樓市走勢，密切留意！