美國連續三次加息0.75厘，本港銀行近日亦終於上調最優惠利率0.125厘，面對息口上升以及經濟前景不明朗，樓市氣氛轉差，近日就有分析師指港樓未來三年跌幅或高達五成。上周在《股壇C見》明言樓市已出現轉角的中原集團創辦人施永青指，港樓過去經歷了漫長的升浪，回調亦非一兩步就可到位，「插五成好多咩？97後跌七成㖭！」惟他認為全球經濟變數非常多，難以估計跌幅，估底亦無意思，「防疫措施放寬得早嘅，情況會唔同；辣招撤得快嘅，情況又會唔同。」

C基金投資總監李浩德指聯儲局今次加息幅度符預期，惟更值得留意的是利率點陣圖預示今年底前要再加息125點子，即今年餘下兩次議息會議分別要再加0.75厘及0.5厘，相信聯儲局為了壓低通脹會繼續鷹，「不過佢講法都有少少搬龍門，佢唔再講一定要通脹目標回到2%，而係話見到趨向2%就可以。」