G20峰會上周末在印度新德里舉行，自2012年掌權以來從未缺席的國家主席習近平首度沒有出席會議，由總理李強代理。習缺席的原因眾說紛紜，惟不少評論指中國成了最大輸家，因今次G20乘機宣布將建立印度—中東—歐洲經濟走廊（IMEC）以制衡中國的「一帶一路」，今集《股壇C見》請來時事評論員許楨為大家分析G20另起爐灶對中國的影響。

許楨指除了中國領頭的一帶一路之外，整合歐亞大陸的構想一直有多個版本，以印度和中東為核心的版本已提出十多二十年，並非新鮮事，惟問題是當中牽涉的國家大多已不是工業國，將來要推動基建時未必能與中國匹敵，「當呢啲中東國家幾有錢都好，佢啲技術工人喺邊度嚟呢？」。中原集團創辦人施永青認同，但他認為若一早不著聲色地去做一帶一路，效果可能更好，「而家係引致咗一啲地方力量想辦法對付你；有啲嘢做咗出嚟先講，係好過未做出嚟就講嘅，當然而家都講咗，咁講咗都可以講少啲嘅。」許楨笑言這個是「大道無形」的道理，「你有立就有破，你立旗嗰刻，人哋就有機會制衡你；我一日唔立旗，甚至可以話我支旗咪就係你支旗囉！」兩位均認同「悶聲發大財」才是正路。